Blogari agur esaten

Bi hilabete baino pixka bat gehiagoz blog hau hornituz egon gara. Nahiz eta oso denbora laburrra izan, hainbat gauza egiteko aukera izan dugu. Horretarako beharrezkoa izan da lehenengo egunetako "beldur" hori kentzea eta gauza berriak egiten saiatzen hastea.

Bloga irekitzerakoan milaka zalantza genituen baina gauza ezberdinak saiatuz eta nola ez erratuz, lanak betetzea lortu dugu.

Guk egindako lanen artean lehenengoa bloga sortzea izan zen. Eta horrekin batera lehenengo arazoa etorri zen: Zein izen ipini? Azkenean, asko eztabaidatu ondoren, umorea erabili genuen eta Matxinsalto izena jarri genion.

Hurrengo pausua bolga gadgets hornitzea eta estruktura osatzea izan zen. Horien artean erlojua, blog eta webgune interesgarriak, egutegia, etiketak eta blog-artxiboa erabili ditugu. Horiek erabilita ikusi dugu gure blogean aritzea askoz errazagoa dela eta esperientzia osatzen dutela.

Hurrengo asteetan, grebak, jai egunak eta modulu astea zirela eta, ez genituen klase askorik izan, hala eta guztiz ere gure bloga eguneratzen jarraitu genuen.

Horren bueltan egin beharrezko proiektuarekin hasi ginen. Blogean hainbatetan esan dugun moduan, hasieran asko kostatu zitzaigun egin behar zena ulertzea baita gai bat aukeratzea. Azkenean, komikien erabilera Lehen Hezkuntzan hautatu genuen eta gaia izanda askoz errazagoa izan zen proiektuaren helburua ikustea.

Lan hori aurrera eramateko webgune ezberdinen laguntza izan genuen. Horien artean  aipatzekoa da Delicious. Bertan gaiaren inguruko webgune interesgarrien linkak eskegi ditugu.

Komikien inguruko lana gauzatzeko informazioa bilatzen hasi ginen. Hasieran, ez genuen gustuko webgunerik aurkitu komikiak egiteko, honako hauek frogatu genituen: Witty Comics edo Make Beliefs Esan beharra dago bi webgune hauek ez zituztela gure beharrak asetzen, izan ere,  gure nahia pertsonaien aurpegietan espresioa eta gorputzetan mugimendua islatzea zen eta ez oinarri bezala programak ematen dituenak.Aukera hau izatea oso garrantzitsua zen komikiak egitean gure posibilitateak amaigabeak izateko.

Ziur geunden aukera hori ematen zuen webgune edo programa bat nonbait egon behar zela eta Internetetik trasteatu ondoren Pixton programa aurkitu genuen. Honek asko poztu gintuen, egin beharreko proiektua nahi genuen moduan gauzatu ahal izango genuelako.

Behin Pixton programa aurkituta, bestelako webguneetan harpidetu ginen, komikien inguruko proiektua gauzatzeko. Webgune horien artean hurrengoak aurkitzen dira: Delicious, Glogster eta Google Sites.

Delicious-en aurkitutako informazioaren linkak eskegi ditugu, Google sitean informazioa landu eta proiektu didaktika proposatu dugu eta azkenik, Glogsterren laguntzaz landutakoaren laburpen txiki bat egin dugu.

Webgune horiek erabiltzeko ez dugu arazo larririk izan baina gauza konkretu batzuk egiteko tutorialen edo bestelako aholkuen laguntza izan dugu.

Aipatutako webguneak gure proiektua osatzeko erabiltzean, horiek Lehen Hezkuntzan izan ditzaketen posibilitateak ere ikusi ditugu, bai ikasleentzat bai irakasleentzat.

Komikiak lantzen geundela beste gai txiki batzuk landu genituen. Adibidez gure taldeari RSS sindikazioei buruzko informazioa bilatzea egokitu zitzaigun. Hau oso baliagarria izan zen, askotan entzundako terminoei buruz informazioa jasotzeko.

Proiektu nagusi hori gauzatzeaz gain bloga bestelako edukiekin hornitzen egon gara, adibidez Mandelaren heriotza, Euskararen eguna edo emakumeen aurkako indarkeriaren kontrako nazioarteko eguna.

Gauzak horrela, lana guztiz bideratuta izatea lortu genuen eta taldekide batzuk horretan lan egiten zuten bitartean beste batzuk blog-arekin aritzen ziren. Hori izan da, alegia, gure lan taldearen arrakastaren sekretua: lana banatzea eta bakoitzak bere egitekoa gauzatzea, beti ere irribarre batekin.

Sarrera hau egitean benetan konturatu gara hiru hilabete eskasetan egindako lan mordoaz baita ikasi eta deskubritu ditugun baliabide interesgarrietaz.

Urrian irekitako Matxinsalto blog honi gaur amaiera ematen diogu, bitartean izandako esperientzia baloratuz. Bestetik gabe, asko ezkertzen dizuegu gure IKT-n aurkikuntzaren parte izatea eta espero dugu zuentzako ere baliagarria izatea.

ESKERRIK ASKO ETA HURRENGORA ARTE!!!!!!!!

Silvia, Iratxe, Estefania eta Itziar.

BEDERATZIGARREN ASTEA

Aste honetan aurkezpenak egin ditugu, lehenengo egunean guk eta beste bi taldeek.

Lehengo taldea KAUSIAM taldea izan da, talde honek Endomondo aplikazioari buruzko informazioa eskeini digu eta bere site-an ikus dezagu informazio guztia. https://sites.google.com/site/kausiamsite/

Bigarren taldea MONSTERNESKAK izan da. Paperzorroa-ren inguruko informazioari buruz hitz egin dute, informazio dena bere site-an topa dezakegu, hainbat erabilpen desberdin izan dezake paperzorra eta beraiak hezkuntza mailan zer nolako garrantzia duen azaldu dute. Hainbat adibide eta forma desberdinak daude paperzorroa egiteko eta hori ikusteko hainbat blog erakutsi dizkigute.

Hirugarren taldea gu izan gara eta komiki bat nola egin azaldu dugu Pixton programarekin. Azalpenak ematen genituen bitartean eta haiekin batera guk honelako komikia sortu dugu:


Hurrengo egunean laugarren taldeak  IKUSI MAKUSI, collage-ari buruz hitz egin zuten. Hasiera batean Micados-era jolastu dugu eta ondoren internet-etik edozein jokura. Honen ondoren, galdera batzuk eman zizkiguten erantzuteko eta aurkezpena bideo batekin jarraitu zuten. Bukatzeko, bloga aurkeztku digute eta online jolasteko esteka bat elkarbanatu dute.

Bostgarren taldea HASIKASI izan da, beraien blogaren aurkezpena egin dute etapelikula baten trailer ofizialaren  bideoa jarri dute. Honen ostean, beste gai batzuei buruz hitz egiten egon gara, hala ere, beraiek landu duten gaia teknografia izan da. Bere sitean aurkituko dugu informazio guztia: https://sites.google.com/site/hasietaikasii/teknografia-egiteko-argibideak

Seigarren eta azkenengo taldea IKTIKTIKT izan da eta bere aurkezpena bido arteari buruz izan da. Informazio guztia bere hemen topa dezakezue: https://sites.google.com/site/ikatebideoa/

Komikien inguruan egindako Glogsterra

Pixton programa erabiltzeko tutorialak

Dakizunez Pixton webgune aukeratu dugu komikiak lantzeko eta nahiz eta nahiko erraza izan erabiltzeko orduan, jarraian uzten dizuegu Marije Uragak egindako tutoriala.

Pixton Tutoriala Marije Uraga by marijeuraga

Bideoa nahiago baduzue, honako hau aurkitu dugu:

 

Nelson Mandela hil da

95 urte zituela hil da Hegoafrikako presidente ohi eta bakearen Nobel sariduna, Johannesburgon, etxean. 'Apartheid' sistema politiko arrazista gainditzeko giltzarria izan zen, eta hamarkadak egin zituen kartzelan. Espetxean zela gaixotu zen, eta azken hilabeteetan asko okertu zen haren osasuna.

   

 Jakob Zuma Hegoafrikako presidenteak eman du bart Mandelaren heriotzaren berri, telebista bidez zabaldutako mezu batean: "Hegoafrikar maiteok, gure Nelson Rohlihla Mandela maitea, gure nazio demokratikoaren aita, zendu da". "Bakean" eta "senideak ondoan" zituela hil da. 

 Pretoriako ospital militar batean dute Mandelaren gorpua. Astelehenerako, meza handi bat prestatzen ari dira haren alde Johannesburgon, eta hortik aurrera hasiko da hiru eguneko estatu dolua. Abenduaren 15ean egingo dute haren aldeko hileta, Qunun, Mandelak haurtzaroa igaro zuen lekuan. 

 "Gure herrialdeak seme onena galdu du", esan du Zumak. Ez du hileta egiteko datarik zehaztu, baina ordura arte banderak masta erdira zintzilikatuko dituztela jakinarazi du.

 "Nahiz eta bagenekien egun hau iritsiko zela, ezerk ezin du galera hau arindu. Askatasunaren aldeko bere borroka nekaezinak munduaren errespetua irabaztea eragin zuen", nabarmendu du Zumak. Mandelaren "umiltasuna" eta "gizatasuna" gogoan izan ditu egungo presidenteak. 

 Biriketako infekzioa zuen 'Madiba'-k, eta sarri izan ditu osasun arazoak, espetxean egin zituen 27 urteen eraginez. Azken hilabeteetan, ordea, okerrera egin du; ekainaren 8an eraman zuten ospitalera, eta iazko abenduaz geroztik lau aldiz erietxeratu dute.

 Uztailaren 18an bete zituen 95 urte, 1918ko egun hartan jaio baitzen. Hamarkada luzez borrokatu zen Apartheid politika arrazistaren kontra, eta 1990an atera zen espetxetik. Lau urte geroago, Hego Afrikako presidente aukeratu zuten, eta bakearen Nobel saria ere eman zioten 1993an, Frederik De Klerk orduko Hego Afrikako presidentearekin batera. “Apartheid-a era baketsuan amaitzeko egindako lana” saritu zuen epaimahaiak. 

                                                                                                                  ITURRIA: www.berria.com

ZORTZIGARREN ASTEA

Kaixo lagunok!
Aste honetan modulu lanari ekin diogu, bideoaren gidoi literarioa, gidoi teknikoa eta story board prestatu ditugu eta ondoren bideo grabatzen ibili gara.

Helburu nagusia gure inguruneko ondare kulturala bideo baten bidez azaltzea da, beraz, talde bakoitzak sei ondare ezberdin aukeratu egin ditu bere bideoan txertatzeko.

Azkenengo modulu aste hau talde gehienok bideo grabatzeko eta muntatzeko erabili dugu. Prozesu hori egiteko MovieMaker programa erabili dugu. Honek hasieran buruhauste handiak sortu dizkigu (eszenen arteko trantsizioa, musika txertatzea, gure ahotsak ondo entzutea, etab). Baina azkenean, beti bezala, Movie Maker erabiltzen ikasi dugu eta gure bideoak editatzeko erraztasuna irabaziz joan gara.

Beraz, animatu eta Movie Maker erabili zuen bideoak sortzeko!! Jarraian programa erabiltzeko tutoriala uzten dizuegu, guretzat oso lagungarria izan dena:

Windows Movie Maker Tutorial by erkelcs

Komiak lantzeko hainbat webgune

Komikien erabilera didaktiko bezala erabiltzeak Komikiak on-line eta modu errazean lantzeko webgune asko aurkitu izan ditugu, baina batzuk aproposagoak dira Lehen Hezkuntzako ikasleekin lantzeko.
Hauek dira aurkitu ditugun interesgarrienak eta praktikoenak :)

WITTY COMICS: http://www.wittycomics.com/make-comic.php



PIXTON: http://www.pixton.com/

MAKEBELIEFS: http://www.makebeliefscomix.com



Espero dugu aurkeztutako baliabide hauek zuen gustokoak izatea eta ikasleekin erabiltzeko aukera izatea!

Euskararen eguna

 

Gaur euskararen eguna denez, euskara bultzatzen duen bideo bat uzten dizuegu. Hala ere, gogoratu nahi dizuegu euskara hitz egiteko 365 egun ditugula. ANIMATU ETA EUSKARAZ HITZ EGIN!!!!

PIXTON programarekin egindako lehenengo hastapena

Beste sarreretan kontatu dizuegunez, PIXTON programan trasteatu ondoren hau da egin dugun lehengo komikia.

 

Aipatu nahi dizuegu, komikia hau egiteko 10 minutu baino ez genituela erabili eta ikusten duzuenez, denbora gutxi erabilita ere, lortutako produktua nahiko ona dauka.

Amaitzeko, esan behar dugu, egindako komiki honek klasean proposatu dugun jardueran erabiliko dugula, adibide gisa. 

Beraz, anima zaitezte PIXTON programa erabiltzera!!! :)

Komikiak egiteko aholkuak

: 

Komikia bisuala dela da kontuan hartu behar dugun lehen gauza, istorioak irudi bidez kontatzendirelarik. Istorio bakoitza orri kopuru batekin dago lotua, orri bakoitza bineta batzuei eta binetabakoitzak ilustrazio bat dauka. Dialogoak, narrazioak eta bestelakoek areagotu egiten dute detaileabaina irudiak dira narrazioaren iturria.Horregatik hona hemen aholku batzuk istorio bat idazterakoan:

• Pentsatu zure pertsonaia nolakoa den. Ezagutzen baduzu, jakingo duzu zer gertatudakiokeen. Istorioak eta bertan gertatzen den guztiak pertsonaiekin erlazioa izango du.
• Konbertsazio luzeak ez dira interesgarriak. Hitz egiteaz gain beste zerbait egiten aritubeharko litzateke pertsonaia bineta bakoitzean dinamikoagoa izateko. Pertsonaia horrekegiten duenak pertsonalitatea ematen dio, bere berezitasunak zehaztu ditzakegu honekin

• Ez egin erreflexiorik. Saiatu beti akzioa ipintzen istorio guztian zehar. Pertsonaiakpentsatzen duena esan behar baduzu, irudikatu ezazu
• Istorioa egiterakoan nola banatu binetak:

• Normalean ez da 8 binetatik pasa behar orri bakoitzean.
• Gero eta bineta gehiago mantsoagoa, baina bineta txikiren bat sartzea ondo dagodetaileren bat garrantzitsua bada istorioaren ulermenerako.
• Leku berean gertatzen direnean gauzak aldatu planoak. Lehenbizi urrunetik ikuspegiorokor bat ikusteko eta gero bineta zehatzagoak... edozer, baina aldatu.

• Ezin dira bi gauza ezberdin egin bineta batean: baloia hartu eta botatzen badu pertsonaiabatek, bi bineta beharko dira horretarako. Gidoia egitean horrelako gauzak kontuan izan.
• Onomatopeiak: erabili soilik beharrezkoak direnean eta beraiekin jokatu daiteke.

• Klik klak klik klak pertsona bat takoiekin ibiltzen badoa
• Atea itxi Blam! Baina ez Blam-WHOCK-WHOCK-KABOOM edo horrelakoak,gehiegi ipintzean efektua txarra izango da

Glogster erabiltzen ikasten

Gaur Gloster trasteatzen egon gara eta hauxe izan da lortutako gure lehenengo posterra

RSS sindikazioa

Hona hemen RSSa zer den oso ondo azaltzen duen bideo bat:

Zer da RSS?
Euskadiko herri administrazioaren atarien sarearen informazioa eta zerbitzuen eskuraketa errazteko asmoz, Euskadi.net-en bilaketetan RSS izeneko harpidetza zerbitzu bat sortu da. Horrela, interesatzen zaizun informazioren bilaketetarako harpidetza egiteko aukera izango duzu eta bilaketa horrekin zerikusirik duen berritasunen bat dagoen bakoitzean ohar bat jasoko duzu.
Adibidez, “Diru laguntzak” gaiari buruz bilaketa egiten baduzu eta horri dagokionez sor daitezkeen berrikuntzei buruz interesa baduzu, bilaketa horren emaitzetara harpidetu zaitezke. Era honetan, informazio horrekin loturiko berritasun bat argitaratzen den bakoitzean horren berri izango duzu, Web gunera jo eta bilaketa behin eta berriz egin beharrik eduki gabe.
Interesatzen zaizkizun bilaketaren emaitzen harpidetza egiteko, bilatzailearen emaitzen orrian agertzen den “RSS harpidetza bilaketaren emaitza hauentzat” izeneko estekan klik egin beharko duzu eta ateratzen den orriaren helbidea zure RSS irakurlean erantsi.

RSSri buruz informazio gehiago

Zer da RSS?

RSS (Really Simple Syndication edo Rich Site Summary), datuak XMLan egituratzeko formatu bat da eta Interneteko gune batean dagoen informazioa automatikoki eskuratzea ahalbideratzen du. Edukiak banatzeko modu honi sindikazioa deritzo. Horren egitekoa, gune batean argitaratu diren edukietaz osaturiko sumario edo aurkibide bat erakustea da, baina bertan sartu behar gabe. RSS irakurle bat (RSS jarioak irakurtzeko programak, ingelesez feed readers) edo horrelakorik daraman nabigatzaile bat erabiliz, gune bat edo batzuetako berritasunak modu arin eta eroso batean lortzerik izango duzu, gune horietara jo gabe.

Zer da jarioa (ingelesez, feed)?

Jarioa, RSS kanal baten bitartez partekatu nahi diren datuak dituen artxibo bat da. Horien luzapena .rss, .rdf edo .xml izaten ohi da.
XML formatuan dagoen testu-fitxategi txiki bat da, edukien iturri gisa diharduen gunearen zerbitzarian kokatuta. Fitxategi horren barruan, gunearen editoreek ipintzen dituzte, ordenatuta eta egituratuta, titularrak eta argitaratu dituzten edo interesgarri deritzeten edukien deskribapena labur bat. Bertsio aurreratuenetan, irudi edo dokumentu erantsiekin joan daitezke.
Zure gogoko guneetako jarioak horiek irakurtzeko den programa batean (RSS irakurgailua) gehituz, berritasunen berri izan dezakezu behin eta berriro bertara jo behar gabe.

Zer da RSS kanal bat?

RSS kanala da gure ekipoaren eta edukien jario bezala erabiltzen dugun gunearen zerbitzariaren artean dagoen esteka (zeinaren bitartez datuek zirkulatzen duten). Askotan RSS jarioaren (feed) sinonimo bezala erabiltzen ohi da.

ZAZPIGARREN ASTEA

Kaixo!!!!!!

Hemen gaude berriro eta gaurko lehenengo lana zenbait kontzeptuei buruzko bilaketa egitea izan da. Guri, RSS sindikazioari buruzko informazioa topatzea egokitu zaigu. Beste talde batzuei, ordea, Creative Commons eta Etiketei buruz.

Hurrrengo egunean honi buruzko aurkezpen txikitxo bat egin dugu, hona hemen Creative Commons eta Etiketei buruzko informazioa.

http://softwareaskea.jakintza.net/hasiera/atalak/software-askea/zer-dira-creative-commons-lizentziak

http://www.eduteka.org/glosario/tiki-index.php?page=Folksonom%C3%ADa

Horretaz gain, klaseko ikaskideei proposatuko diegun jarduera prestatzen egon gara, hain zuzen ere, beraiei adibide bezala erakutsiko dieguna (komikia eta egoera) aehaztu eta egin dugu. komiki hori oinarritzat hartuz PIXTON Web gunea eskaintzen dituen aukera batzuk azalduko ditugu.

Emakumeenganako indarkeriari EZ!!!!

AZAROAK 25: emakumeen aurkako indarkeriaren kontrako nazioarteko eguna

ITURRIA: BERRIA

Erakundeei neurri eraginkorragoak ezartzeko eskatu diete feministek
Emakumeei autodefentsa eta salaketa mekanismoak abian jartzeko eskatu die Bilgune Feministak

Emakumeen aurkako indarkeriaren aurrean Euskal Herriko erakunde publikoek duten jarrerarekin ez dago gustura Bilgune Feminista. Gogoratu duenez, erailketa eta erasoen kopuruak gora doaz. «Bitartean, instituzioek eraginkortasunik gabeko lege eta batzordeak sortu besterik ez dituzte egiten; betearazteko aurrekonturik gabeko legeak eta erabaki ahalmenik ez daukaten batzordeak. Hau al da instituzioek egiteko asmoa daukaten aurrerapauso bakarra?», salatu du.
Herenegun gauean bertan izan zen azken atxiloketa, Durangon (Bizkaia). Etxeko lanak egiten ez ziola laguntzen eta seme-alaben aurrean droga kontsumitzen zuela leporatu zion emakume batek bere bikotekideari, eta hark eraso egin zion. Horrelako erasoak salatzeko larunbatean egingo den Emakumeen Aurkako Indarkeriaren Kontrako Nazioarteko Egunaren harira, neurri eraginkorragoak eskatu zizkieten erakunde publikoei Bilgune Feministako kide Izaskun Guarrotxenak eta Miren Arangurenek.
Bilgune Feministakoek eskatu zituzten neurri horiek martxan jartzeko lehen neurria prebentzioa dela azpimarratu zuten. «Oraindik ez da neurririk zehazten ari gizartean erasotzaile gehiago egon ez daitezen eta daudenek, jarrera egokietara bideratuta, erasotzaile izateari utz diezaioten».
Erakunde publikoek arazoaren aurrean ez dutela erantzuten ikusita, emakumeen autodefentsari eta salaketari heldu behar diotela azpimarratu zuten. «Emakumeok gure bizitzaren jabegoa duintasunez berreskuratzeko beharra daukagu. Erasoen aurkako sareak sortu behar ditugu; gure burua kemenez hornitu».

ERASOTZAILEA BAZTERTU. Ezarri beharreko neurrien artean gizarteak erasotzailea baztertzeko premia aipatu zuten. «Euren jarrerak bere horretan dirauen bitartean, erasotzaileek argi izan behar dute ez direla onartuak izango ez kalean, ez lanean eta ezta egunerokotasuneko edozein esparrutan ere».
Bestalde, iaz Bilgune Feministak 30 hedabiderekin batera sortutako emakumeen aurkako indarkeria albisteak lantzeko laguntza dekalogoaren balantzea ere egin zuten. «Komunikabideek, oro har, ez dute betetzen».
Bestalde, Argitan Emakumeak Laguntzeko Barakaldoko (Bizkaia) Zentroak atzo gogoratu zuen iaz Araban, Bizkaian eta Gipuzkoan tratu txarrengatik 5.059 salaketa jaso zirela epaitegietan, orain bi urte baino %46 gehiago. 

Mobilizazioak
Donostia. 19:00etan, Bulebarretik abiatuta, manifestazioa.
Bilbo. 20:00etan, Arriagatik abiatuta, manifestazioa.
Iruñea. 12:00etan, elkarretaratzea udaletxearen aurrean; 20:00etan, Gaztelu plazatik abiatuta, manifestazioa.
Gasteiz. 19:30ean, manifestazioa.
Baiona. 12:00etan, elkarretaratzea.
Barakaldo. 11:30ean, Bide Onera plazatik, Sestaorainoko martxa.
Zarautz. Goizean, bizikleta martxa; eguerdian, elkarretaratzea.
Azpeitia. 13:00etan, elkarretaratzea plazan.
Tolosa. Elkarretaratzea Triangulon.
Altsasu. 19:00etan, elkarretaratzea.
Tafalla. 12:00etan, elkarretaratzea Nabarra plazan.
Algorta. 13:00etan, manifestazioa eta ekitaldia.
Durango. 13:00etan, manifestazioa.

Pixton programa: komikiak egiteko tresna ezin hobea!

Gure proiektuaren lana zehaztu ondoren, komikiak sortzeko tresna on bat aurkitzea falta zitzaigun. Argazkiak eta irudiak editatzeko gune ezberdinak probatu genituen baina aurkitutakoa ez zuen gure beharrei erantzuten. Azkenean, kasualitatez eta gure itxaropen osoa galduta zegoenean, Pixton webgunea topatu genuen eta poztasuna zela eta ia saltoka hasten gara klasean! :)


Gainera, web-gune horri buruzko bideo hau aurkitu dugu:

SEIGARREN ASTEA

Kaixo!!

Ostiraleko klasearekin hasteko, talde bakoitzak bere egoera komentatu du, zelan doan lana, zein zailtasuna izan ditugun eta abar azalduz.

Gero, bakoitzak bere lanarekin jarraitu du.Guk, lana banatu dugu eta bakoitzak ordenagailu batean jarri gara lana aurrera joan dezan. 

Alde batetik, komikia egiteko, Pixton izeneko web-orrialde bat aurkitu dugu eta horretan trasteatzen egon gara nola funtzionatzen duen ezagutzeko eta proiektua bideratzeko. Gainera, eskolan jarduera bat proposatuko dugunez, horretaz eztabaidatzen egon gara.

Bestetik, Glogster EDU web gunean harpidetu gara, poster digital bat egiteko eta honetan ere trasteatzen egon gara.

Asteburu on bat opa dizuegu!!

AZAROAREN 20-21EKO GREBA

Aste honetan, gelan greba egitea erabaki dugu eta horri buruz aurkitu dugun informazioa jarriko dugu. 

PPk onartu nahi duen LOMCEk estatu mailan hamarkadetan izan den mobilizazio handiena eragin du ikasleen, hezkuntza komunitatearen eta orokorrean gizartearen aldetik. Lege horrek zuzenean erasotzen ditu nazio zapalduetako hizkuntzak (euskara, katalana eta galegoa) eta frankismo garaiko eskolara itzuli nahi du, hezkuntza balio atzerakoietan adoktrinatzeko elizaren pulpitu zen egoerara, langileen seme-alabei goi mailako hezkuntzarako eskubidea ukatua zitzaien garaira.

Aukera egon den tokietan LOMCEren aurkako protesta kalera atera da, joan den urriaren 12ko Bilboko manifestaziotik, Ikasle Sindikatuak deituriko urriaren 22, 23 eta 24eko ikasle grebara arte. Azken deialdi honek Bilbon, Donostian, Iruñean eta Gasteizen manifestazio masiboak bildu zituen. Mobilizazio arrakastatsu hauen ondoren azaroaren 20ko eta 21eko ikasle greba orokorra etorri da.

http://euskalherriasozialista.net/index.php?option=com_content&task=view&id=1125&Itemid=1

Finlandiako hezkuntzari buruzko dokumentala

Hona hemen Finlandiako hezkuntzari buruzko dokumental interesgarria.

BOSTGARREN ASTEA

Kaixo berriro!! Aste batzuk klaserik eduki gabe, berriro gaude hemen!! :)

Aste honetako lana, IKT eta Lehen Hezkuntza lotzen duen proiektu txiki baten gaia aukeratzea eta informazioa bilatzea izan da.

Hasiera batean oso galduta egon gara, eta ia ordu osoa egon gara pentsatzen, zer egin jakin barik. Azkenean Alaitzekin hitz egin ondoren bido montaketa egitea bururatu zaigu eta ideia horrekin etxera joan gara.

Hurrengo egunean Delicious Web gunean harpidetu gara https://delicious.com/matxinsalto31 eta Alaitzekin hitz egin ondoren argazkigintza eta audioa landuko dugula adostu dugu. Informazioa bilatzen dugun bitartean ideiak burura etortzen hasi dira, azkenean gure IKT ikasgaian bizitakoa adieraziko dugu argazki eta audioaren bidez.

LAUGARREN ASTEA

Aste hau lehenego modulu astea izan da eta bakoitzak bere taldearekin lanean egon da.

Lan honetan ondare kulturala landuko dugu eta horretarako gure inguruan ditugunak aztertu beharko ditugu, azkenean Lehen Hezkuntzari zuzendutako bideo bat osatzeko. Bideo horretan hiru motatako ondareak agertuko dira:

• Eraikinak, eskulturak, etab.
• Musika.
• Poemak, kontakizunak, kondairak, elezaharrak, etab.

Lehenengo egun hauek ondare kulturala zer den zehazten egon gara baita kide bakoitzaren herrietan aurkitu daitezkeenak bilatzen ere. Hori egitean konturatu gara gure herria oso aberatsa dela eta hezkuntzak horretaz baliatu behar da.
Guk bideo bat osatuko dugu gaiaren inguruan baina zuek ere inguruko kultur ondarea erabili dezakezue beste hainbat gai batzuk lantzeko.

Matxinsaltoren site-an modulu lanaren gida aurkitu dezakezue:

https://sites.google.com/site/matxinsalto31/modulu-lana

HIRUGARREN ASTEA

Hirugarren aste honetan ez dugu klaserik izan, ostegunean eskolako eguna izan delako eta ostiralean jai nazionala izan delako.

 Hala ere, blog-a bizirik mantentzeko hurrengo bideo interesgarri hauek eskeintzen dizkizuegu.

Hausnarketarako irudia

BIGARREN ASTEA

Aste honetan, LOMCE legea dela eta, hiru eguneko ikasleen greba orokorra konbokatu da eta klasean erabaki dugu greba egitea. Hori dela eta, interesgarria iruditzen zaigu, honi buruz hitz egitea.

Hasteko, esan beharra dago, 22an eta 23an ikasleak soilik zeudela konbokatuta eta 24an, aldiz, ikasleak ez ezik, irakasleak eta gurasoak ere konbokatuta egon zirela. Greba honek izugarrizko jarraipena izan zuen, sindikatuek %83ko jarrainpena izan zuela adierazi zuten, gobernuak, berriz, %20ko ingurua izan zela.

Greba hau egitearen arrazoiak honako hauek izan dira:

•  Eskola sexuetan banatzea bultzatzen duen legea da. Izan ere, hau egiten duten eskoleei diru-laguntzak ematen die.
• Hezkuntza zentroetan, gaur egunean dagoen funtzionamendu demokratikoa murrizten du eta  botere hori, administrazioak aukeratutako zuzendaritza taldearen esku uzten ditu, Eskola kontseiluari ordezkaritza txikituz.
• Lege honek, gaur egungo hezkuntza kalitatean ere eragina izan du. Izan ere, irakasle batek gaixotasun-baja, istripu-baja edo horrelakoak hartuz gero, ez da egongo berak ordezkatzeko inork. Gainera, hezkuntza bereziko ikasleekin lan egiten duten irakasleen kopurua murriztuko dute, ikasle hauek beharrak asetu gabe.
•  Diru-laguntzetan murrizketak ere ikusiko ditugu, esate baterako, testu liburuetan, garraioan, jantokian eta abar.

Ondorioz, honekin LOMCE Legea Hezkuntza Publikoa ahuldu eta degradatu egingo da eta ez du konponbide errealik sortuko. Hori dela eta, gure greba eskubidea erabili behar dugu, gaur egungo hezkuntza sistema aurrera joateko eta ez atzerantz.

Amaitzeko, honekin lotutako bi bideo jarriko ditugu.

Milaka ikasle kalean Hezkuntza erreformaren aurkako greba egunean  

La verdad de la educación: el mundo según la LOMCE. 

Hezkuntzaren garrantzia

LEHENENGO ASTEA

Hasi baino lehen, mila esker blog honen parte izateagatik!

Gure lehenengo kontaktua izan dugu IKT munduarekin eta espero baino hobeto joan da. Blog hau funtzionamenduan jartzen dugunok (Silvia, Estefania, Iratxe eta Itziar) ez gara oso trebeak informatika eta ordenagiluekin, baina ahal duguna eta gehiago egingo dugu!

Horretarako gure erresistentziak gainditu beharko ditugu, horien artean

Baina dena dela ziur gaude horie aurre egingo diegula eta bloga aurrera aterako dugula! Esan dugunez ez gara teknologia zale amorratuenak baina agian blog honi esker teknofiloak bihurtzen gara eta gure bloga uneoro berritzen egongo gara.

Besterik gabe: ONGI ETORRI MATXINSALTORA!! Espero dugu gure lana gustukoa izatea eta bidai hau gurekin batera egitea.

Jarraian azaltzen diren egoeratan harrapatzekotan, ez gaude watsappeatzen, gure bloga eguneratzen baizik!

RSA Animate - Changing Education Paradigms

Wert legearen inguruko hausnarketa interesgarria